വീക്ഷണം

  മെയ് മാസം 15 നു ബാംഗ്ളൂരിൽ വെച്ചു 74 വയസ്സിൽ ഏകദേശം 50 വർഷക്കാലം ക്രൈസ്തവ സുവിശേഷ രംഗത്ത് മായാ മുദ്ര പതപ്പിച്ച ശേഷം ക്രിസ്തുവിൽ നിര്യാതനായ പി. എം. ഭക്തവൽസലനെ സ്മരിക്കുന്ന ഈ സന്ദർഭത്തിൽ, കേരളത്തിലെ സംഗീത പാരമ്പര്യത്തിന്റെ ഭൂപടത്തിൽ അദ്ദേഹത്തിന്റെ സ്ഥാനം നിർണയിക്കാൻ ഒരു ശ്രമം നടത്തുകയാണിവിടെ. ക്രൈസ്തവ സഭയുടെ സംഗീതത്തിന്റെ രണ്ടായിരം ആണ്ടിന്റെ ചരിത്രത്തെ രണ്ടു പ്രധാന സംഗീത പാരമ്പര്യത്തിന്റെ കൈവഴികളും അവയുടെ പിരിവുകളുമായി സങ്കല്പിക്കാം. ആദിമ ക്രൈസ്തവ സഭകൾ അവരുടെ കൂട്ടായ്മകളിൽ യെഹൂദ ആരാധനക്കു ഉപയോഗിച്ചു കൊണ്ടിരുന്ന സങ്കീർത്തനങ്ങളിൽ നിന്നും, അവരവർക്കു ലഭിച്ച ആത്മ പ്രേരണ പ്രകാരം അതതു സമയങ്ങളിൽ രചിച്ച ഗാനങ്ങളും പാടിയിരുന്നു എന്നാണ് സഭാ പിതാക്കന്മാർ രേഖപ്പെടുത്തിയിരിക്കുന്നത്. ഇതിൽ ചിലതെല്ലാം എഴുതപ്പെട്ട സുവിശേഷങ്ങളിലും ലേഖനങ്ങളിലും സ്ഥാനം പിടിച്ചിട്ടുണ്ട്. ഗാന രചനക്കു പുറമെ സംഗീതത്തിനു ആരാധനയിലെ പങ്കിനെ സംബന്ധിച്ച് രണ്ടു വ്യത്യസ്ത സമീപനമാണ് പൌരാണിക ക്രൈസ്തവ സഭ പുലർത്തി വന്നത്. പൌരസ്ത്യ പിതാക്കന്മാർ, ജാതീയ സ്വാധീനം, പ്രത്യേകാൽ യവന സംസ്കാരം, സഭയിലേക്കു നുഴഞ്ഞു കയറുന്നതു തടയുന്നതിന്റെ ഭാഗ...

അരികൊമ്പൻ എന്ന ആനയെ പിടിച്ചു ചിന്നക്കനാലിൽ നിന്നും പറമ്പിക്കുളത്തേക്കു മാറ്റി പാർപ്പിക്കാൻ നീണ്ട വിവാദങ്ങൾക്കും കോടതി ഇടപെടലിനും ശേഷം അവസാനം നടപടികൾ തുടങ്ങി. അധികാരികൾ ഒടുവിൽ ഈ കാട്ടാനയെ പിടിച്ചു വേറൊരു കാട്ടിലേക്കു മാറ്റുന്നതോടെ മനുഷ്യരുടെ ജീവനും സ്വത്തിനും ഈ മൃഗം വരുത്തുന്ന നാശത്തിൽ നിന്നും മോചനം ആയേക്കാം. പക്ഷെ അതോടെ കാട്ടു മൃഗങ്ങളും മനുഷ്യരും തമ്മിലുളള സംഘർഷങ്ങളെ (Human-wild life conflicts) സംബന്ധിച്ച ചർച്ച അവസാനിച്ചു കൂടാ. വന്യമൃഗങ്ങൾ മനുഷ്യരുമായി ഏറ്റു മുട്ടുന്നതിനു പല കാരണങ്ങൾ ഉണ്ട്. ആവാസവ്യവസ്ഥയിലെ തുലനം നഷ്ടപ്പെട്ടതാണ് പ്രധാന കാരണം. മനുഷ്യർ പെരുകുന്നതോടെ വന്യമൃഗങ്ങളുടെ വിഹാര സ്ഥാനങ്ങളിലേക്ക് ആളുകൾ താമസം തുടങ്ങുന്നു എന്നതു നിരസിക്കാനാവില്ല. മാത്രമല്ല, ഖനനം, വനസമ്പത്ത് കൊള്ള ചെയ്യൽ ഇതിനൊക്കെ വേണ്ടി ജനങ്ങൾ കാടുകളിലേക്കു കയറുന്നതും മനുഷ്യരും വന്യജീവികളും തമ്മിൽ ഏറ്റുമുട്ടലിനു സാദ്ധ്യതയുണ്ടാക്കുന്നു. ആഗോളതാപനം മുതലായ പ്രശ്നങ്ങൾ മൂലം, മൃഗങ്ങളുടെ നിലനിൽപ്പിനാവാശ്യമായ വെള്ളവും, ഭക്ഷണവും മറ്റും കാടുകളിൽ ഇല്ലാതെ വരുന്നതും മൃഗങ്ങളെ നാട്ടിലേക്കു ഇറക്കുന്നു എന്നതും അവഗണിക്കാനാവില്ല. ഇത്തരം...

  നാട്ടിൽ താമസമാക്കിയിട്ടു ഒരു വർഷമായില്ല. രണ്ടു അടുത്ത ബന്ധുക്കളുടെ ശവസംസ്കാര ശുശ്രൂഷകളിൽ പങ്കെടുക്കേണ്ടി വന്നു. രണ്ടും നിർദിഷ്ട ശുശ്രൂഷാക്രമങ്ങളെ ( liturgy ) എതിർക്കുന്ന വേർപാടു സഭകളിലായിരുന്നു. ഇതിനുമുമ്പും പലപ്പോഴും ഇതേ കൂട്ടരുടെ ശവമടക്കു ശുശ്രൂഷകളിൽ ഓൺലൈനിൽ പങ്കെടുക്കാറുണ്ട്. പക്ഷെ എപ്പോൾ വേണമെങ്കിലും വിട്ടു പോവുകയോ, സൌകര്യമുള്ളപ്പോൾ കാണാനായി മാറ്റി വെക്കുകയോ ചെയ്യാം എന്നുള്ളതു കൊണ്ട് നേരിട്ടു പങ്കെടുക്കുന്ന ദുര്യോഗം ഇല്ലായിരുന്നു. ഈ ശുശ്രൂഷകളിൽ പങ്കെടുക്കാൻ മറ്റു സഭകളിലെ കുടുംബാംഗങ്ങൾ വിസമ്മതിക്കുന്നു. ബന്ധങ്ങൾ നില നിർത്താനായി പങ്കെടുക്കുന്ന പലരും മൃതദേഹം കണ്ട ശേഷം ബാക്കി ശുശ്രൂഷകൾക്കു കാത്തു നിൽക്കാതെ സ്ഥലം വിടുന്നു. ചിലർ പരേതരോടുള്ള ബഹുമാനവും, സ്നേഹവും നില നിർത്തി കൊണ്ടു തന്നെ കുടുംബാഗങ്ങളുടെ വാട്സപ് ഗ്രൂപ്പുകളിൽ ഇത്തരം ശുശ്രൂഷയുടെ പൊള്ളത്തരവും, അർത്ഥശൂന്യത്യയും ചൂണ്ടി കാണിച്ച് ഇത്തരം സഭകളെ ഇടിച്ചു താഴ്തുന്നു.   ദീർഘമായ, ചുരുങ്ങിയത് നാലു മണിക്കുറിൽ കുറയാത്ത ശുശ്രൂഷകളാണ് ഈ സഭകളിൽ (പെന്തക്കോസ്ത്, ബ്രദറൻ, എല്ലാ നിറത്തിലുമുള്ള സ്വതന്ത്രർ എന്നീ സമൂഹങ്ങളിൽ) നടക്കുന്നത്...

  ക്രൈസ്തവ ലോകത്തു ഇന്നു പരന്നു പിടിച്ചിരിക്കുന്ന ഒരു മാരക വ്യാധിയാണ് വിശ്വാസം എന്നതിനെ സംബന്ധിച്ച തെറ്റിദ്ധാരണകൾ. ഇതിന്റെ ദൂഷ്യ വശങ്ങളിൽ ചിലതു ചൂണ്ടി കാണിക്കാനുള്ള ശ്രമമാണ് ഈ വരികൾ. വിഷയത്തിലേക്കു കടക്കുന്നതിനു മുമ്പെ ഒരു സംഭവ കഥ പറയട്ടെ. വിഷയത്തിന്റെ ഗൌരവം മനസ്സിലാക്കാൻ ഇതു സഹായിച്ചേക്കും. എന്റെ ഒരു ആത്മീയ സഹോദരന്റെ അമ്മ ഈയിടെ മരിച്ചു. മരണവും ശവസംസ്കാരവും കഴിഞ്ഞ ശേഷമാണ് ഞാൻ മരണകാരണം എന്തായിരുന്നു എന്നു ഞാൻ അന്വേഷിച്ചത്. അതു കേട്ടപ്പോൾ ഞാൻ ഞെട്ടിപ്പോയി. 70 വയസ്സു കഴിഞ്ഞ ആ അമ്മ സാധാരണ കഴിക്കുന്ന മരുന്നും , ഭക്ഷണവും വെടിഞ്ഞ് ഉപവസിച്ചാണ് മരിച്ചത്. ചെറിയ തോതിൽ ദുഷ് സ്വഭാവങ്ങളുള്ള തന്റെ മകന്റെയും , കൊച്ചുമകന്റെയും മാനസാന്തരം ഉണ്ടാകുന്നതു വരെ ഉപവസിച്ചു പ്രാർത്ഥിക്കും എന്ന തീരുമാനത്തിൽ ഉറച്ചു നിന്നതാണ് മരണകാരണം. മരണം വരെ ഉപവസിക്കും എന്നു സത്യാഗ്രഹക്കാർ പറയുന്നതു നിങ്ങൾ കേട്ടു കാണും. പക്ഷെ ദൈവത്തെ താൻ പിടിച്ചിടത്തു കൊണ്ടു വരാനായി ഉപവസിച്ചു മരിച്ചവരെ കുറിച്ചു കേട്ടിട്ടുണ്ടോ. എന്റെ കാഴ്ചപ്പാടിൽ അവർ വിശ്വാസത്തിലല്ല , വാശിയിലാണ് അന്ത്യം കൈക്കൊണ്ടത്. ഇതാണ് ഇന്നു പലർക്കും വിശ്വാസം. അതായത് ...

 നാം വിശ്വസിക്കുന്ന തത്വങ്ങൾ മാത്രമാണ് വിശ്വാസം എന്നതു പരിമിതമായ ഒരു ധാരണയാണ്. അതിലും വിപുലമായ അർത്ഥം അതിനുണ്ട്. വിശ്വാസം എന്നത് കൂറു പ്രഖ്യാപിക്കലാണ്. നാം ഏതു ചേരിയിലാണെന്നു തീരുമാനിക്കുന്നതാണിത്. ഉദാഹരണത്തിന് പത്രോസിന്റെ കാര്യമെടുക്കുക. യേശു അവനെ വിളിച്ചപ്പോൾ എന്തെങ്കിലും ഒരു തത്വം ശരിയാണെന്നു സമ്മതിക്കുക മാത്രമാണോ പത്രോസ് ചെയ്തത് ? യേശുവിലുള്ള വിശ്വാസം മൂലം തന്റെ പിതാവിനെയും വഞ്ചിയും വലയും തനിക്കുള്ളതൊക്കെയും അവനു ഉപേക്ഷിക്കേണ്ടി വന്നു. ഗലീല തടാകവും, കുടുംബബന്ധങ്ങളും, സുഹൃത്ത് വലയങ്ങളും വിട്ട് യേശുവിന്റെ ചേരിയിലേക്കു കൂറു മാറ്റുകയാണ് പത്രോസ് ചെയ്തത്. അവൻ പൂർണമായും യേശുവിന്റേതായി മാറി. യാക്കോബ് , യോഹന്നാൻ , പൗലോസ് മുതൽ ആദിമ ശിക്ഷ്യന്മാർ എല്ലാവരും ഇതു തന്നെയാണ് ചെയ്തത്. അവരുടെ ബന്ധങ്ങളും കടപ്പാടുകളും, കൂറും അവർ കൃസ്തുവിനു വേണ്ടി പുനഃക്രമീകരിച്ചു. അങ്ങനെ അവർ പൂർണ്ണമായും യേശുവിന്റെ പക്ഷത്തായി. “ രക്ഷ പ്രാപിപ്പാൻ ഞാൻ എന്തു ചെയ്യേണം ?” ഫിലിപ്പിയിലെ കാരാഗൃഹ പ്രമാണി ഭയചകിതനായി തടവുകാരായ പൗലോസിനെയും ശീലാസിനെയും നോക്കി അലറിക്കരഞ്ഞു. “ ര ക്ഷ പ്രാപിക്കുക ” എന്നതുകൊണ്ട് എന്താണ് അവൻ...

  ലൂസിക്ക് (യഥാർത്ഥ പേരല്ല) വൻകുടലിൽ കാൻസർ   ബാധിച്ചിരിക്കുന്നു എന്നു ദുഃഖവാർത്ത ഞാൻ അറിഞ്ഞിട്ട് ഇപ്പോൾ 26 വർഷമായി. അവളുടെ അമ്മ മരിച്ചത് ഇതേ രോഗം ബാധിച്ചിട്ടാണ് എന്നതു കൊണ്ട് ഇതു ജനിതകമായ രോഗമാണെന്നും അതു കൊണ്ടു തന്നെ ലൂസി ഇതു അതിജീവിക്കാനുള്ള സാധ്യത തീരെയില്ലെന്നും ഞങ്ങളെല്ലാം കരുതി. മിക്കവാറും എല്ലാ ഡോക്ടർമാരുടേയും അഭിപ്രായം അതു തന്നെയായിരുന്നു. ലൂസിക്ക് 40 വയസ്സായിട്ടില്ല. രോഗവിവരം അറിഞ്ഞപ്പോഴേ അവളുടെ സ്നേഹവാനായ ഭർത്താവ് തകർന്നു പോയി. അതു തന്നെയായിരുന്നു അവളുടെ കൗമാരക്കാരായ രണ്ടു ആൺകുട്ടികളുടേയും അവസ്ഥ. ഞാൻ ഉൾപ്പെട്ട ഒരു പ്രാർത്ഥനാ ഗ്രൂപ്പിലെ അംഗമായിരുന്നു അവൾ. അതിനാൽ ഞങ്ങളുടെ പ്രാർത്ഥനാ സംഘം അവൾക്കായി നിരവധി ആഴ്ചകൾ പ്രാർത്ഥിച്ചു. ഗ്രൂപ്പ് കൂടുമ്പോൾ മാത്രമല്ല ഓരോരുത്തരും അവരുടെ വ്യക്തിപരമായ പ്രാർത്ഥനയിൽ ദൈവത്തോട് ദിവസവും ദൈവത്തോട് ലൂസിയുടെ സൌഖ്യത്തിനു വേണ്ടി അപേക്ഷിച്ചു. ചുരുങ്ങിയ ആഴ്ചകൾക്കുള്ളിൽ ഞാൻ നാലു വർഷത്തെ വിദേശവാസം കഴിഞ്ഞ് ഞാൻ എന്റെ ഇന്ത്യയിലേക്കു മടങ്ങി. ഏതാനും വർഷങ്ങൾ കൂടി ഞാൻ കാൻസർ രോഗിയായ എന്റെ സഹോദരിക്കു വേണ്ടി പ്രാർത്ഥിച്ചു. പിന്നീടുള്ള ദീർഘ വർഷങ്ങളിൽ എന...

ആരാധന കഴിഞ്ഞപ്പോൾ ജെയിംസ് ( യഥാർത്ഥ പേരല്ല ) എന്നെ കാണാൻ ത ന്റെ ഊഴം കാത്തു നിൽക്കുന്നത് ഞാൻ ശ്രദ്ധിച്ചു . മെലിഞ്ഞ് ഉയരം കുറഞ്ഞ ഒരു ലജ്ജാശീലനാണ് ജെയിംസ് . മുഖത്ത് മായാത്ത ജെയിംസിന്റെ പ്രത്യേകതയാണ്. ശാന്തൻ , സന്തോഷവാൻ എന്നൊക്കെയാണ് അദ്ദേഹത്തെ വിശേഷിപ്പിക്കേണ്ടത്. ഈ സർവ്വകലാശാലാ പട്ടണത്തിലെ എന്റെ ചെറിയ സഭയിലെ സ്ഥിരം സന്ദർശകരായിരുന്ന വിദേശ വിദ്യാർത്ഥികളിൽ ഒരാളായിരുന്നു അദ്ദേഹം . തന്റെ ഊഴം വന്നപ്പോൾ ജെയിംസ് മുന്നോട്ട് വന്നു . പതുങ്ങിയ ശബ്ദത്തിൽ എന്നോട് പറഞ്ഞു , “ പാസ്റ്റർ , എനിക്കു ഒരു കാര്യം പറയാനുണ്ടായിരുന്നു. ” ഞാൻ അവന്റെ പിന്നാലെ ബാൽക്കണിയിലേക്ക് നടന്നു . വരിയിൽ ചാരി നിന്ന് , എന്റെ കുഞ്ഞാട് അഭിമുഖീകരിക്കുന്ന മറ്റൊരു വലിയ പ്രശ്നം കേൾക്കാൻ ഞാൻ  കാതു കൂർപ്പിച്ചു നിന്നു . ഒരു പക്ഷെ അദ്ദേഹം നിശ്ശബ്ദമായി അനുഭവിക്കുന്ന ഒരു രോഗത്തെ കുറിച്ചായിരിക്കാം അത് . അല്ലെങ്കിൽ വിട്ടു പോന്ന വീട്ടിലെ ഒരു പ്രശ്നമാകാം . അമ്മ രോഗിയായിരിക്കാം. ഡാഡിയുടെ ജോലി നഷ്ടപ്പെട്ടിരിക്കാം . എന്താണ് പ്രശ്നം എന്ന് അറിയാൻ എനിക്ക് തിടുക്കമായി . എന്റെ ഊഹങ്ങളെല്ലാം തെറ്റായിരുന്നു . ജെയിംസിന്റെ പ്രശ്നം എനി...

 പാർലിമെൻ്റ് എന്തിനാണ്? ഭരണ കക്ഷി ഉണ്ടാക്കുന്ന ബില്ലുകൾ പാസ്സാക്കിയെടുക്കാനുള്ള ഒരു വേദി മാത്രമാണോ അത്. മന്ത്രി സഭ തീരുമാനിക്കുന്ന എല്ലാ കാര്യങ്ങളും ഭരണ കക്ഷിക്കു ഭൂരിപക്ഷമുള്ള കാലത്തോളം പാർലിമെന്റിൽ പാസ്സാക്കിയെടുക്കാം. പക്ഷെ അതിനു മാത്രമാണോ പാർലിമെന്റ്. ഭരണ പക്ഷം തീരുമാനിക്കുന്ന കാര്യങ്ങൾ ഭുരിപക്ഷ വോട്ടോടെ പാസ്സാക്കിയെടുക്കാനുള്ള വെറും വേദിയാണ് പാർലിമെൻ്റ് എങ്കിൽ അതിൽ പ്രതിപക്ഷത്തിന്റെ സാന്നിദ്ധ്യത്തിന്റെ ആവശ്യമില്ല.  പാർലിമെൻ്റ്  ഒരു പൊതു ജനായത്ത വേദിയാണ്. ഈ രാജ്യത്തെ എല്ലാ പൌരന്റെയും ശബ്ദം അവരുടെ പ്രതിനിധികളിലൂടെ കേൾപ്പിക്കാനും, ഭരണകാര്യങ്ങളിൽ അവർക്കുള്ള അഭിപ്രായം പ്രകടിപ്പിക്കാനുമുള്ള വേദിയാണ് അത്. പ്രതിപക്ഷത്തിനും എല്ലാ വിഷയങ്ങളിലും, അവരുടേതായ അഭിപ്രായം ഉണ്ടെന്നും, ആ അഭിപ്രായങ്ങളിൽ പലതിലും കഴമ്പുണ്ടെന്നും, അവ ഉൾക്കൊള്ളിച്ചു കൊണ്ട് വേണം ഭരണം നിർവഹിക്കാനെന്നും ഉള്ള ബോധം ഭരണ കക്ഷിക്കുണ്ടായാൽ മാത്രമേ രാജ്യം പുരോഗതിയിലേക്കു കുതിക്കുകയുള്ളു.  ഭൂരിപക്ഷം എന്നത് വിഭിന്നമായ ചിന്താഗതിയിലെ ജ്ഞാനം അവഗണിക്കാനുള്ള അനുവാദമായി കാണുന്നത് ജനാധിപത്യത്തിന്റെ ആരോഗ്യത്തിനു നല്ലതല്ല....