ലൂസിക്ക് (യഥാർത്ഥ പേരല്ല) വൻകുടലിൽ കാൻസർ ബാധിച്ചിരിക്കുന്നു എന്നു ദുഃഖവാർത്ത ഞാൻ അറിഞ്ഞിട്ട് ഇപ്പോൾ 26 വർഷമായി. അവളുടെ അമ്മ മരിച്ചത് ഇതേ രോഗം ബാധിച്ചിട്ടാണ് എന്നതു കൊണ്ട് ഇതു ജനിതകമായ രോഗമാണെന്നും അതു കൊണ്ടു തന്നെ ലൂസി ഇതു അതിജീവിക്കാനുള്ള സാധ്യത തീരെയില്ലെന്നും ഞങ്ങളെല്ലാം കരുതി. മിക്കവാറും എല്ലാ ഡോക്ടർമാരുടേയും അഭിപ്രായം അതു തന്നെയായിരുന്നു.
ലൂസിക്ക് 40
വയസ്സായിട്ടില്ല. രോഗവിവരം അറിഞ്ഞപ്പോഴേ അവളുടെ സ്നേഹവാനായ ഭർത്താവ് തകർന്നു പോയി.
അതു തന്നെയായിരുന്നു അവളുടെ കൗമാരക്കാരായ രണ്ടു ആൺകുട്ടികളുടേയും അവസ്ഥ.
ഞാൻ ഉൾപ്പെട്ട ഒരു പ്രാർത്ഥനാ
ഗ്രൂപ്പിലെ അംഗമായിരുന്നു അവൾ. അതിനാൽ ഞങ്ങളുടെ പ്രാർത്ഥനാ സംഘം അവൾക്കായി നിരവധി
ആഴ്ചകൾ പ്രാർത്ഥിച്ചു. ഗ്രൂപ്പ് കൂടുമ്പോൾ മാത്രമല്ല ഓരോരുത്തരും അവരുടെ വ്യക്തിപരമായ
പ്രാർത്ഥനയിൽ ദൈവത്തോട് ദിവസവും ദൈവത്തോട് ലൂസിയുടെ സൌഖ്യത്തിനു വേണ്ടി അപേക്ഷിച്ചു.
ചുരുങ്ങിയ ആഴ്ചകൾക്കുള്ളിൽ
ഞാൻ നാലു വർഷത്തെ വിദേശവാസം കഴിഞ്ഞ് ഞാൻ എന്റെ ഇന്ത്യയിലേക്കു മടങ്ങി. ഏതാനും വർഷങ്ങൾ
കൂടി ഞാൻ കാൻസർ രോഗിയായ എന്റെ സഹോദരിക്കു വേണ്ടി പ്രാർത്ഥിച്ചു. പിന്നീടുള്ള ദീർഘ വർഷങ്ങളിൽ
എനിക്കു ആ രാജ്യവും, പ്രാർത്ഥനാ ഗ്രൂപ്പുമായുള്ള ബന്ധങ്ങളൊക്കെ നഷ്ടപ്പെട്ടു. ലൂസിക്ക്
എന്തു സംഭവിച്ചു എന്നു അറിയാതെ വന്നപ്പോൾ അനിവാര്യമായത് സംഭവിച്ചുവെന്ന് ഞാൻ ചിന്തിച്ചു.
അവളെ നിത്യതയിൽ കാണാം എന്ന പ്രത്യാശയിൽ ഞാൻ ആശ്വസിച്ചു.
ഇരുപത്തിയാറു
വർഷങ്ങൾക്ക് ശേഷം, ഞാൻ ഒരു ഹ്രസ്വ സന്ദർശനത്തിനായി ഞാൻ ആ രാജ്യത്തേക്ക്
മടങ്ങി. യാദൃച്ഛികമായി ലൂസിയുടെയും എന്റെയും ഒരു പരസ്പര സുഹൃത്തിനോട്
അവളെക്കുറിച്ച് ചോദിച്ചു. അവൾ എപ്പോൾ മരിച്ചു,
അവളുടെ ഭർത്താവും മക്കളും എന്താണ് ചെയ്യുന്നതെന്ന് അറിയാൻ വേണ്ടി. പക്ഷെ ലൂസി
ജീവിച്ചിരിപ്പുണ്ടെന്നും അർബുദം ഭേദമായെന്നും സന്തോഷകരമായ ജീവിതം
നയിക്കുന്നുവെന്നും കേട്ടപ്പോൾ ഞാൻ ഞെട്ടിപ്പോയി. ആ വാർത്ത കേൾക്കാൻ എന്റെ മനസ്സ് തയ്യാറല്ലായിരുന്നു.
ലൂസിയുടെ അത്ഭുത രോഗ സൌഖ്യത്തിന്റെ
കഥ ഇതായിരുന്നു. അവൾ ചികിത്സ തേടിയ എല്ലാ ഡോക്ടർമാരും അവൾക്ക് അധികം ആയുസില്ല എന്ന
പറഞ്ഞു. എന്നാൽ ലൂസിയും അവളുടെ പ്രാർത്ഥനാ യോദ്ധാക്കളുടെ സംഘവും ഡോക്ടർമാർ പറഞ്ഞത്
വിശ്വസിച്ചില്ല.
സൌഖ്യമാക്കുന്ന ദൈവത്തെ അവർ ദൃഡമായി വിശ്വസിച്ചു.
പിന്നീടുള്ള നാളുകളിൽ അവളുടെ
അർബുദം വൻകുടലിൽ നിന്ന് കരളിലേക്ക് മാറി. അപ്പോൾ ഡോക്ടർമാർ ശസ്ത്രക്രിയയിലൂടെ
കരളിലെ അർബുദം നീക്കം ചെയ്തു! ഈ വിചിത്രമായ പ്രതിഭാസത്തിന്റെ വിശദാംശങ്ങൾ എനിക്ക്
ഇപ്പോഴും മനസ്സിലാകുന്നില്ല, പക്ഷേ ഒരു കാര്യം ഞാൻ മനസ്സിലാക്കുന്നു. അതായത്,
ദൈവം പ്രാർത്ഥനകൾക്ക് ഉത്തരം നൽകുകയും സൗഖ്യമാക്കുകയും ചെയ്യുന്നു.
(ഇതു പോലുള്ള ബ്ലോഗുകൾ WhatsAppൽ ലഭിക്കാൻ https://www.bit.ly/tyrannus ക്ലിക്കു ചെയ്യുക)
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ
നിങ്ങളുടെ അഭിപ്രായങ്ങൾ വിലപ്പെട്ടതാണ്.